Kvinnulandsliðið til HM-undankapping

A-landsliðið við kvinnum skal um vikuskiftið spæla HM-undankapping í Sveis. Føroyar eru í bólki við Finnlandi, Litava og verttjóðini. 

Føroyski landsliðhópurin fór úr Føroyum í morgun og er komin væl upp á pláss í sveisiska býnum Baden, har landsdystirnir verða leiktir.

Fyrsti dysturin hjá Føroyum er móti Finnlandi. Føroyska kvinnulandsliðið var eisini í bólki við Finnlandi til EM-undankappingina í fjør. Tá vunnu Føroyar 20-17.

Føroyar hava eina ferð áður spælt móti Litava; tað var í 2004. Tá taptu Føroyar við trimum málum. Føroyar hava ongantíð spælt móti Sveis, ið verður mett at vera tað sterkasta liðið í bólkinum.

Dystarskrá
Fríggjadagur: Føroyar – Finnland, kl. 15.30
Leygardagur: Litava – Føroyar, kl. 15.30
Sunnudagur: Sveis – Føroyar, kl. 14.00 og

Allir dystirnir kunnu síggjast á www.handballtv.ch og FM1 sigur beinleiðis frá dystinum.

Hesar 16 møta Svøríki og Íslandi

21. september 2023

Landsliðsvenjararnir, Claus Mogensen og Simon Olsen, hava úttikið hesar 16 leikarar til EM-undandystirnar móti Svøríki og Íslandi, ávikavist tann 12. og 15. oktober.

Felags kós við Navigare

21. september 2023

Hondbóltssambandið og shippingfyritøkan Navigare hava longt verandi stuðulsavtalu fram til 2026.

Neistakvinnur og H71 út í Europa

20. september 2023

Komandi vikuskiftið skulu kvinnurnar hjá Neistanum og H71 spæla European Cup dystir. Bæði feløgini spæla dystirnar á útivølli.