Høvuðssæti og umsitingin hjá Hondbóltssambandinum er nú flutt. Nýggja adressan er Jónas Broncksgøta 7 í Havn.
Talan er um reyðu húsini á Frúutrøð, har fyrrverandi læknaviðtalan hjá Andor Ellefsen og Kaj Kallsberg helt til. HSF hevur húsast í ÍSF-húsinum í Gundadali, sum nú er tikið niður til frama fyri langhylin, sum skal skoytast uppí verandi svimjihøll. Umsitingin hjá HSF telur trý fulltíðarstørv.
Føroysku kvinnurnar vístu sálarstyrki, komu sterkt aftur seinastu løtuna og spældu javnleik 33-33 móti Eysturríki, eftir at Eysturríki var á odda 18-15 í hálvleikinum. Ein gevandi vinardystur, har nýggj andlit, verjusamansetingar og álopskipanir vóru royndar.
H71-menn standa við einum góðum útgangsstøði undan seinna European Cup dystinum móti kroatisku MRK Trogir. H71 gjørdu bart í gjár fyri fullsettari Hoyvíkshøll og vunnu greitt 34-27.
Kvinnurnar hjá VÍF megnaðu eisini at spæla seg víðari í European Cup. Trý føroysk lið eru nú komin víðari í Euroepan Cup hjá kvinnum. Lutakastið til triðja umfar verður mikudagin.
Ein loysn frá Sendistovuni
