Lutakast til European Open 2022

Lutakast til European Open hevur verið, har føroysku U16-kvinnurar luttaka í døgunum 4. til 9. juli í Gøteborg.

17 lið luttaka í kappingini og verður leikt verður í 4 bólkum við 4 liðum í trimum teirra og 5 í einum. Bólkabýtið sær soleiðis út:

Bólkur 1: Rumenia, Frakland, Slovenia, Estland, Lettland
Bólkur 2: Montenegro, Svøríki, Holland, Føroyar
Bólkur 3: Noreg, Portugal, Ísland, Pólland
Bólkur 4: Sveis, Kekkia, Spania, Finnland

Talan er um eina sera sterka kapping, har flestu av stóru tjóðunum eru við. Liðini nr. 1, 2 og 3 koma víðari til A-endaspælið og spæla um plássini 1-12, meðan liðini sum enda nr. 4 og 5 spæla B-endaspæl um plássini 13-17.

Tveir landsdystir móti Finnlandi

21. mars 2023

Føroyska kvinnulandsliðið skal spæla tveir dystir móti Finnlandi, ávikavist 4. og 5. apríl. Talan er um venjingardystir.

Lakari avrik móti Rumenia

11. mars 2023

Tað er stórur munur á heima- og útivølli í hondbólti. Hetta má staðfestast eftir stóra ósigurin móti Rumenia í dag. Føroyska manslandsliðið gjørdi nógv álopsmistøk og brendu nógvar málmøguleikar. Føroyar taptu 25-17, eftir 14-10 til rumenar í hálvleikinum.

Útselt til Føroyar – Ukraina

10. mars 2023

Eftir sigurin á Rumenia mikukvøldið, kom av álvara gongd á atgongumerkjasøluna til seinasta heimadystin í hesari EM-undankappingini, og vóru øll atgongumerkini til dystin móti Ukraina seld í gjár.