Podgorica, Montenegro, 10.8.24., August, 2024, Photo credit: Stefan Ivanovic - HF MONTENEGRO, M18 EHF EURO, FAR - ITA at Bemax Arena, Credit: Stefan Ivanovic/MatchLensÍ morgin, hósdagin kl. 10.00, verður lutakastið til U19 European Open hjá monnum, sum verður leikt í Gøteborg í døgunum 30. juni til 4. juli. Føroyar eru styrkismettar í triðju røð.
Bert 11 lið luttaka í European Open í ár. Seinastu árini hevur European Open verið fyri U17 hjá monnum og U16 hjá kvinnum, men hevur EHF broytt hetta til ávikavist U19 hjá monnum og U18 hjá kvinnum. Hetta sýnist at hava ávirkað talið av liðum, tí vanliga plagar talið at liggja um 20 lið.
Liðini verða drigin í tveir bólkar og sær styrkismetingin soleiðis út:
Pottur 1: Ísland og Svøríki
Pottur 2: Kroatia og Spania
Pottur 3: Føroyar og Pólland
Pottur 4: Litava og Niðurlond
Pottur 5: Estland og Finnland
Pottur 6: Egyptaland
Nummar eitt og tvey í hvørjum bólki koma í hálvfinalurnar, meðan hini liðini spæla plaseringsdystir. Lutakastið kann stroymast her: https://www.youtube.com/live/VbHXZBa4qaM
Føroysku U19-mennirnir skulu til HM-endaspælið í Egyptalandi í august, og er European Open liður í fyrireikingunum til HM.
