Málsetningurin er broyttur

Kvinnuliðið hjá Kyndli var í bæði steypa- og FM-finaluni í fjør, og gjørdist greipuvinnari fyrraárið. At røkka finalunum er ikki málið í ár. 

– Vit leggja ikki so stóran dent á úrslit, men heldur at byggja upp eitt væl samanspælt lið, bæði á og uttanfyri vøllin.

Tað sigur Súna Krossteig Hansen.

Kyndil hevur mist fleiri týðandi leikarar. Turið Arge er farin til Íslands at spæla hondbólt, Anna Brimnes er við barn, Bjarta Johanesen er farin niður at lesa og Maja Dragoljubovic hevur skift til Neistan. Marianna Geirsdóttir Eystberg og Guðrun Restorff eru og fjakka, men vera við í seinnu helvt av kappingarárinum.

– Liðið er sera ungt í ár. Fleiri nýggir leikarar skulu royna seg í bestu deildini á fyrsta sinni. Eg haldi kortini at liðið sær spennandi út og vit gleða okkum at mennest sum hondbóltsspælarar og lið, sigur Súna Krossteig Hansen.

Kyndil hevur spælt tveir dystir í nýggja kappingarárinum, sum var móti H71 og VÍF. Kyndil tapti báðar.

Montenegro, Spania, FØROYAR og Paraguei

22. mai 2025

Tað var greitt undan lutakastinum, at Trier í Týsklandi verður heimstaðurin hjá føroyska kvinnulandsliðnum til innleiðandi bólkaspælið í HM-endaspælinum í november/desember. Vertirnir høvdu ynskt at staðseta Føroyar í bólk D, hetta við fjepparum og atgongumerkjasølu fyri eyga. Við lutakastinum í S´Hertogenbosch í dag, gjørdist greitt, at mótstøðuliðini verða Montenegro, Spania og Paraguei.

HM-lutakast hósdagin kl. 17.00

21. mai 2025

Í morgin, hósdagin 22. mai kl. 17.00, verður HM-lutakastið hjá kvinnum. IHF hevur kunngjørt styrkismetingina, og eru Føroyar í triðju røð. Lutakastið kann stroymast her.

6 ungdómslandsdystir móti Íslandi

21. mai 2025

Føroyar hava seinastu árini havt gott samstarv við íslendska hondbóltssambandi um ungdómslandsdystir. Soleiðis er eisini í ár og er talan um gentusíðuna. Fyrst fer U15-landsliðið til Íslands vikuskiftið 31. mai – 1. juni, meðan U17- og U19-kvinnulandsliðini hjá Íslandi koma á vitjan í Føroyum hálvan juni.

Ein loysn frá Sendistovuni