Mennirnir sigraðu í Tokyo

Hóast sigurin bert var við einum máli, so stýrdu Føroyar dystinum móti Japan í seinna hálvleiki, eftir at fyrri hálvleikur var nakað misjavnur. Føroyar vunnu 30-29, eftir hálvleiksstøðuna 15-14 til Føroyar.

Japanska hondbóltssambandið hevði gjørt nógv burturúr dystinum við lasarshowi, royki, sangi og dansi, og vóru eisini nógvir áskoðarar til dystin. Japanarar hava lagt nógv fyri at fyrireika seg til OL, og hava teir sett kenda spanska venjaran, Antonia Carlos Ortega, sum eisini er venjari hjá Barcelona, at leiða teir til OL.

Føroyska spælið var heldur misjavnt í fyrra hálvleiki og vóru tað japanarar, sum vóru frammanfyri størsta partin av hálvleikinum. Japanarar spældu sítt eyðkenda skjóta og fótfima spæl, men var fysiska trýstið ikki eins tungt og okkara eru vanir við í Europa. Verjan stóð hampuliga væl, men vóru heldur nógvar tekniskar villur í álopinum, har menn høvdu ilt við at finna hvønn annan. Mesta plássið var at finna á vengrunum, har okkara fingu nógv pláss í dag. Hetta sæst eisini aftur á málskjúttunum, har Allan Norðberg, á høgra vongi, gjørdi 7, meðan Leivur Mortensen og Rói Berg Hansen, á vinstra, gjørdu ávikavist 3 og 2 mál.

Elias Ellefsen á Skipagøtu spældu ikki so nógv í fyrra hálvleiki, men tað mesta av seinna, har hann var heilt framúr í sínum assistspælið. Tað var við hesum at okkara vunnu seg 5 mál framum um miðjan seinna hálvleik, og høvdu okkara fult tamarhald á dystinum um miðjan hálvleik. Nicholas Satchwell var eisini komin inn í føroyska málið og hevði hann fitt av bjargingum. Føroyska leiðslan var tó líka við at gleppa. Fyrst settu Føroyar 7 mans á vøllin eftir eitt leikbrá, har okkara vóru undirtal og fingu harvið eina útvísing afturat. Hareftir tá 4 minuttir restaðu og Føroyar vóru í undirtali, fingu tveir føroyskir leikarar útvísing fyri kjaftaslit og okkara vóru 3 tríggir í undirtalið. Vilhelm Poulsen bjargaði tó degnum við fyrst at skora í undirtali og síðani fiska ein bólt í verjustøðu og 30-29 sigurin var tryggjaður.

Hetta var ein frálíkur venjingardystur hjá Føroyum, har allir føroysku leikararnir komu á vøllin og vóru eisini 10 ymiskir málskjúttar. Allan Norðberg er einsamallur høgri vongur í hópinum á hesum túrinum og spældi hann sum einasti maður 60 minuttir. Hann vísti eisini sínar dygdir og var hann toppskjútti saman við Eliasi á Skipagøtu við 7 málum hvør.

Føroyar og Japan møtast aftur í seinna vinardystinum mikudagin 3. juli kl. 10.30, føroyska tíð. Dysturin kann stroymast her: 【第2戦】日本代表 vs フェロー諸島代表|男子日本代表 国際親善試合2024|7月3日(水)18:15〜 LIVE配信予定 (youtube.com)

Dystargongdin Japan – Føroyar:
5 min. 2-1
10 min. 5-2
15. min. 6-5
20 min. 8-6
25 min. 11-9
30 min. 13-14
35 min. 15-17
40 min. 17-20
45 min. 19-24
50 min. 22-26
55 min. 25-28
60 min. 29-30

Málskjúttar hjá Føroyum:

Allan Norðberg 7
Elias Ellefsen á Skipagøtu 7 (4)
Leivur Mortensen 3
Teis Horn Rasmussen 3
Vilhelm Poulsen 3
Kjartan Johansen 2
Rói Berg Hansen 2
Rói á Skipagøtu 1
Jónas Gunnarson Djurhuus 1
Bjarni í Selvindi 1

Málverjar:
Pauli Jacobsen 4 bjargingar (30 min. – fyrri hálvleikur)
Nicholas Satchwell 8 bjargingar (30 min. – seinni hálvleikur)

Skrivstovan stongd

22. juli 2024

Hondbóltssambandið er farið í summarferiu, og er skrivstovan stongd næstu tvær vikurnar til og við 4. august. Átrokandi boð kunnu tó sendast til hsf@hsf.fo. Vit síggjast í nýggja kappingarárinum!

Óli Mittún EM-toppskjútti

21. juli 2024

Sum vanligt til slíkar kappingar, so vóru bestu leikararnir heiðraðir eftir U20 EM-endaspælið í Slovenia. Óli Mittún var toppskjútti í kappingini við 76 málum í 8 dystum.

U20-menn: Endaðu nr. 18

20. juli 2024

Eftir ein fínan fyrra hálvleik, har Føroyar vóru frammanfyri 19-17, mistu okkara takið í seinna hálvleiki, og Sveis vann 35-32. Føroyar endaðu við hesum sum nummar 18 av teimum 24 liðunum í EM-endaspælinum.

Ein loysn frá Sendistovuni