U18-menn: Strilti móti Niðurlondum

Talan gjørdist um eitt lakari avrik í seinasta dystinum í Nations Cup í Lübeck. Føroyar taptu í dag 28-22 fyri Niðurlondum, eftir hálvleiksstøðuna 15-8 til Niðurlond.

Hóast Niðurlond á pappírinum vóru eitt væl veikari lið enn Týskland, sum okkara møttu fríggjakvøldið, so høvdu okkara tað trupult í dag. Hóast verjan leingi stóð heilt hampuligt, so riggaði lítið í álopinum, har okkara byrjaðu sera illa og bert fingu tvey mál fyrstu 20 minuttirnar. Spælið var stirvið, nógvar tekniskar villur og kjansir vóru brendir. Tað var eisini eitt skot fyri bógvin, at stinni miðverjin og strikuleikarin, Jón Midjord, noyddist at vøllinum stutt fyri hálvleik við skaða.

Heldur frægari gekk í seinna hálvleiki og minkaðu okkara um munin. Rúnar Hammer var aftur í dag ein støðug hóttan, og gjørdi hann eisini 9 mál. Okkara minkaðu niður í 3 mál, men komu ongantíð nærri og vaks munurin aftur seint í dystinum.

Hóast tapið í dag, so hevur Nations Cup verið góð fyrireiking hjá U18 monnunum undan EM-endaspælinum, sum byrjar mikudagin 7. august í Podgorica í Montenegro.

Málskjúttar hjá Føroyum:
Rúnar Hammer 9
Magnus Árason 3
Lýðar úr Dímun 2
Helgi Jakob Haldórsson 2
Pauli Rasmussen 1
Fríði Holm í Innistovu 1
Filip Haldansen 1
Erling Erlendsson 1
Jón Midjord 1
Jógvan Andreas Lamhauge 1

Atgongumerki til Føroyar – Niðurlond

5. februar 2025

Fríggjadagin 14. februar kl. 10.00 koma atgongumerkini til EM-undankappingardystin hjá monnum millum Føroyar og Niðurlond til sølu. Dysturin verður mikudagin 12. mars kl. 19.00. Sølan verður á atgongumerki.fo.

Manslandsliðið nr. 21 og kvinnulandsliðið nr. 27 í Europa.

5. februar 2025

Europeiska Hondbóltssambandið hevur útgivið nýggjastu styrkismetingina fyri hondbóltstjóðir í Europa.

U21-menn skulu til HM

4. februar 2025

Eitt avboð ger, at føroysku U21-mennirnir nú allíkavæl skulu til HM-endaspælið í Póllandi í summar. Okkara vóru júst ov stuttir í EM-endaspælinum í summar at tryggja sær HM-pláss, men hava nú allíkavæl fingið eitt pláss, tá umboðið úr Oceania, Ný Sæland, hevur givið avboð.

Ein loysn frá Sendistovuni