Niklas og Eirikur til donsku fyrstu deild

Komandi kappingarár vera tveir føroyingar afturat at síggja í næstbestu donsku deildini í hondbólti.

Vinstri bakkurin, Eirikur Simonsen, hevur gjørt avtalu við Frederikshavn, meðan málverjin, Niklas Simonsen, fer til Tønder.

Niklas, ið er 22 ára gamal, hevur í fleiri ár verið í felagnum Skjern, sum bleiv danmarkarmeistari  í vikuni við sínum ligaliði. Kvívíkingurin hevur  verið knýttur at næstbesta liðnum, men hevur eisini spælt onkran dyst við besta liðnum, millum annað ein Champions League dyst.

– Nú var tíð uppá at fara víðari. Eg havi tørv á størri avbjóðingum og vil fegin menna meg meira sum málverji, so tí eri eg fegin um hendan møguleikan, greiðir Niklas frá.

Tønder spældi í bestu deildini í fjør, men endnaði á aftasta plássi og flutti niður. Málið hjá felagnum er at enda millum trý tey ovastu liðni, sum gevur møguleika fyri uppflyting.

Eirikur spældi í fjør við barndómsfelagnum Kyndli, sum gjørdist steypavinnari. Hann hevur áður spælt við Viborg, meðan hann var undir lesnaði. Nú fer hann til Aalborg at gera lesnaðin lidnan og tí sambandi fer hann aftur í donsku deildina.

Fleiri spælarar uttanlands
Tað økist alsamant við føroyskum leikarum, sum leita sær út um landoddarnar at spæla hondbólt. Næsta kappingarár spæla higartil fimm føroyingar við næstbestu donskum deildini hjá monnum. Teir eru Helgi Hoydal, Jónas Gunnarson Djurhuus, Rói Berg Hansen, Niklas Simonsen og Eirikur Simonsen. Á kvinnusíðuni eru fýra føroyingar í donsku fyrstu deild. Tær eru Ninna Johansen, Kristianna Henneberg Joensen, Pernille Brandenborg og Siw Matras.

Harumframt skulu Áki Egilsnes, Allan Norðberg og Turið Arge spæla við bestu íslendsku deildini. Ein leikari er í næstbestu norsku deildini, sum er Kjartan Johansen.

 

Kvinnurnar styrkismettar í triðju røð

14. mai 2025

Hósdagin 22. mai verður HM-lutakastið hjá kvinnulandsliðnum. IHF hevur kunngjørt styrkismetingina, og eru Føroyar í triðju røð.

Lutakastið til U19 European Open

14. mai 2025

Í morgin, hósdagin kl. 10.00, verður lutakastið til U19 European Open hjá monnum, sum verður leikt í Gøteborg í døgunum 30. juni til 4. juli. Føroyar eru styrkismettar í triðju røð.

Verkstova við Anju Greve

13. mai 2025

Mikudagin 11. juni verður aftur verkstova fyri fysioterapeutar við viðurkenda danska fysioterapeutinum Anja Greve. Anja hevur verið knýtt at danska hondbóltslandsliðnum hjá monnum í fleiri ár.

Ein loysn frá Sendistovuni