Svøríki rann avstað

A-landsliðið hjá kvinnum spældi seinnapartin sín seinasta dyst í EM-kappingini á hesum sinni, ið var móti Svøríki í býnum Orebro. 

Frammanundan vóru spælararnir greiðir yvir, at uppgávan fór at verða ógvuliga trupul. Tað var heldur einki at ivast í frá dystarbyrjan, hví Svøríki telist millum heimsins bestu lið í kvinnuhondbólti. Sviar koyrdu á við fullari ferð frá fyrsta bríksli og eftir lítla løtu vóru tær á odda 5-0.

Føroysku leikararnir stríddust og vardu kortini væl fyrstu løtuna. Tað var tó sera torført at spæla seg ígjøgnum svensku verjuna og koma til góðar skotstøður. Miseydnaðu álopini vórðu revsaði alt fyri eitt av skjótu svensku leikarunum. Tá farið var til hálvleiks var støðan 17-4.

Føroyar komu til fleiri skot í seinna hálvleiki við Marionnu Geirsdóttir Eystberg á odda. Tað var tó í heilum at tað síðsta manglaði av frekleika hjá leikarunum, umframt at opnir møguleikar vórðu brendir. Endaliga úrslitið gjørdist 32-13.

Málskjúttar:
Marianna Geirsdóttir Eystberg, 6
Durita Christophersen Jojic, 2
Bjarta Osberg Johansen, 1
Turið Arge, 1
Agnas Olsen, 1
Maria Halsdóttir Weyhe, 1
Heidi Maria Akselsen, 1

Montenegro, Spania, FØROYAR og Paraguei

22. mai 2025

Tað var greitt undan lutakastinum, at Trier í Týsklandi verður heimstaðurin hjá føroyska kvinnulandsliðnum til innleiðandi bólkaspælið í HM-endaspælinum í november/desember. Vertirnir høvdu ynskt at staðseta Føroyar í bólk D, hetta við fjepparum og atgongumerkjasølu fyri eyga. Við lutakastinum í S´Hertogenbosch í dag, gjørdist greitt, at mótstøðuliðini verða Montenegro, Spania og Paraguei.

HM-lutakast hósdagin kl. 17.00

21. mai 2025

Í morgin, hósdagin 22. mai kl. 17.00, verður HM-lutakastið hjá kvinnum. IHF hevur kunngjørt styrkismetingina, og eru Føroyar í triðju røð. Lutakastið kann stroymast her.

6 ungdómslandsdystir móti Íslandi

21. mai 2025

Føroyar hava seinastu árini havt gott samstarv við íslendska hondbóltssambandi um ungdómslandsdystir. Soleiðis er eisini í ár og er talan um gentusíðuna. Fyrst fer U15-landsliðið til Íslands vikuskiftið 31. mai – 1. juni, meðan U17- og U19-kvinnulandsliðini hjá Íslandi koma á vitjan í Føroyum hálvan juni.

Ein loysn frá Sendistovuni