Nú byrjar U19 HM-endaspælið hjá monnum

Komandi 12 dagarnar fara 32 lond, harímillum Føroyar, at kappast um U19 heimsmeistaraskapið í hondbólti hjá monnum. Kappingin verður í leikt í Kroatia. Fyrsti dystur hjá Føroyum er í morgin móti Burundi.

Føroyska ferðalagið ferðast í dag úr Danmark til Opatija í Kroatia, har innleiðandi bólkurin hjá Føroyum verður leiktur. Føroyar eru í bólki saman við Burundi, Iran og Svøríki.

Leiksskráin hjá Føroyum sær soleiðis út:
Mikudagin 2. august kl. 18.00 Føroyar – Burundi
Hósdagin 3. august kl. 18.00 Føroyar – Iran
Leygardagin 5. august kl. 18.00 Svøríki – Føroyar

Allir dystir kunnu stroymast á youtube síðuni hjá IHF, sum eitur “IHF Competitions”.Sí leinki her:
IHF Competitions – YouTube
Portal.fo verður eisini til staðar til kappingina frá hósdegnum 3. august. Lesið annars alt um kappingina her, úrslit, støður og hagtøl: IHF | Competition Home Page

Ovastu tvey liðini úr hvørjum bólki koma víðari til meginumfarið, meðan nr. 3 og 4 skulu spæla sonevnda Presidents Cup, sum er um plássini 17-32. Eftir innleiðandi bólkaspælið verður bólkurin hjá Føroyum samantvunnin við bólk G, har Týskland, Argentina, Saudi Arabia og USA kappast.

A-landsliðið hjá monnum úttikið

19. apríl 2024

Hesir 16 skulu møta Norðurmakedonia og spæla um eitt pláss í HM-endaspælinum.

Danmark, Sveis, Kroatia og FØROYAR

18. apríl 2024

Basel í Sveis verður heimstaðurin hjá føroyingum til EM-endaspælið hjá kvinnum í november/desember. Føroyar komu í bólk D saman við grannum okkara úr Danmark, vertunum Sveis og Kroatia.

EM lutakast hósdagin

17. apríl 2024

Í morgin, hósdagin kl. 17.00, føroyska tíð, verður lutakastið til EM-endaspælið hjá kvinnum. Tá verður eisini greitt, hvørt Føroyar skulu spæla í Basel, Innsbruck ella Debrecen.