U19-menn: Ísland vann seinna dystin

Føroysku U19-mennirnir taptu seinna venjingardystin móti Íslandi, 33-30, í Vestmanna í dag. Hálvleiksstøðan var 13-13.

Tað var Ísland, sum var omaná størsta partin av dystinum í dag. Nógv mál komu í dystinum í gjár og var tað eyðsýnt, at bæði liðini vildu betra um verjupartin í dag. Hetta hepnaðist heldur betri hjá íslendingum, sum vóru omaná við 1-2 málum tað mesta av fyrra hálvleiki.

Í seinna hálvleiki vóru íslendingar væl betri og vóru eitt skifti á odda við 6, áðrenn okkara minkaðu um munin aftur. Føroysku venjararnir royndu fleiri uppstillingar í dag, og vóru ávísir leikarar, sum ikki leiktu eins nógv í dag sum í gjár m.a. Óli Mittún og Rókur Ziskason, sum vóru hvíldir í løtum.

Samanumtikið var talan um tveir sera góðar og gevandi fyrireikingardystir undan HM-endaspælinum, sum byrjar 3. august í Kroatia.

Dystargongdin:
5 min. 2-2
10 min. 4-4
15 min. 6-8
20 min. 9-10
25 min. 11-11
30 min. 13-13
35 min. 14-14
40 min. 15-18
45 min. 18-23
50 min. 22-26
55 min. 26-30
60. min. 30-33

Málskjúttar hjá Føroyum:
Óli Mittún 8
Óla Jákup Gaard Olsen 8
Jákup Egholm 3
Trygvi Hávardsson 3
Ísak Vedelsbøl 2
Tóki Fríðriksson 2
Niklas Gaard 1
Rói Seyer Hjaltason 1
Tróndur Johnsson 1
Eyðbjørn Danielsen 1

Gallaveitslan 2024

17. mai 2024

Komandi leygardag, 18. mai, verður hondbóltsgallaveitslan 2024. Tiltakið í ár verður í Salt á Drelnesi í Suðuroy, har VB skipar fyri. Byrjað verður kl. 18.30.

Lutakastið til European Open 2024

15. mai 2024

Lutakast til European Open hevur verið í morgun, har føroysku U16-kvinnurar luttaka í døgunum 1. til 5. juli í Gøteborg.

Dagsatgongumerki til EM

14. mai 2024

Nú fáast dagsatgongumerki til keyps til bólkaspælið í EM-endaspælinum hjá kvinnum, har Føroyar kemur at spæla í Basel.