Tá føroyska kvinnulandsliðið fór á vøllin í gjár, var tað ikki bara spælið, sum merkist, tað var eisini stemningurin rundanum. Mitt í hesum stóð Sámal Paulason, við trummuni í hond, og skapti ein stemning fyri bæði spælarar og áskoðarar.
Sámal hevur í longri tíð verið ein trúfastur stuðul hjá kvinnunum. Við sínum eldhuga og trúfesti hevur hann verið ein fastur partur av upplivingini til landsdystir, har hansara trummusláttur er við til at lyfta stemningin og geva liðnum eina eyka orku.
Tað krevur ágrýtni at standa við síðulinjuna og halda lív í stemninginum gjøgnum allan dystin, men fyri Sámal er tað ein sjálvsøgd uppgáva. Hann er ikki bara áskoðari, men ein aktivur partur av liðnum uttanfyri vøllin. Stuðul sum hesin hevur stóran týdning. Tað er við til at styrkja sambandið millum leikarar og áskoðarar. Tá trumman ljóðar, kennist tað, bæði á vøllinum og á áskoðaraplássunum.
Hondbóltssamband Føroya vil takka Sámal fyri hansara stóra íkast og trúfesti. Fólk sum hann eru við til at gera føroyskan hondbólt til nakað heilt serligt.
