HSF og alifyritøkan Mowi hava longt verandi samstarvsavtalu fram til 2024. Mowi er ein av stórstuðlunum hjá HSF og bera øll landsliðini vørumerki Rinka á klæðunum.
Gunn Ellefsen, forkvinna í HSF, og Hans Jákup Mikkelsen, hittust fríggjadagin á høvuðsætinum hjá Mowi á Heygsstøð á Strondum, har sáttmálin var undirskrivaður. Mowi, áður Marine Harvest, er í dag drúgvasti landsliðsstuðul hjá HSF og hevur verið í menningini síðani 2013.
– Gunn Ellefsen viðmerkir, at Mowi er ein framleiðari, sum stendur fyri nýhugsan, menning og høgum krøvum, og er hetta eisini virðir vit royna at standa fyri í hondbóltinum. Mowi hevur stuðlað og trúð uppá menningina frá tí at vit virkaðu undir meira eyðmjúkum korum, og tað eru vit takksom fyri.
– Hans Jákup Mikkelsen, stjóri á Mowi, fegnast um eyðsýndu framgongdina hjá bæði teimum vaksnu og ungu landsliðunum, á bæði mans- og kvinnusíðuni. Eins og vit sum fyritøka, setur føroyski hondbólturin sær høg mál og vilja vit gjarna vera við og stuðlu tílíkum framfýsnum virksemi.
