Silikal Føroyar stuðlar HSF

Í vár var Sp/f Silikal Føroyar kunngjørt sum nýggjur stórstuðul hjá Hondbóltssambandinum. Partarnir hava longu nú gjørt av at leingja samstarvið fram til 2026.

Silikal Føroyar, sum hevur heimstað í Klaksvík, er veitari av slitsterkum industrigólvum til vinnuna og er dóttirfelag hjá Sp/Kjølur.

Hans Arni Bjarnason Thomsen er stjóri í fyritøkuni og hitti hann Gunn Ellefsen, forkvinnu í HSF, herfyri, tá sáttmálin bleiv undirskrivaður í Klaksvík. Hans Arni og familja hansara fylgja væl við í hondbólti. Hans Arni og konan eru bæði leikarar, ávikavist núverandi og fyrrverandi, umframt børn teirra. – Vit halda, at HSF og føroysku feløgini hava gjørt eitt gott arbeiði seinastu árini kring landið og endurspeglast hetta eisini á okkara góðu landsliðum, sum vit øll eru errin av, nú veruligur hondbóltsfepur ger um seg. Gunn Ellefsen, forkvinna í HSF, fegnast eisini um undirtøkuna og stuðulin fólk og fyritøkur sýna. Hesin er alt avgerðandi fyri uppgávurnar, sum standa fyri framman og næstu tøkini, sum skulu takast.

A-landsliðið hjá monnum úttikið

19. apríl 2024

Hesir 16 skulu møta Norðurmakedonia og spæla um eitt pláss í HM-endaspælinum.

Danmark, Sveis, Kroatia og FØROYAR

18. apríl 2024

Basel í Sveis verður heimstaðurin hjá føroyingum til EM-endaspælið hjá kvinnum í november/desember. Føroyar komu í bólk D saman við grannum okkara úr Danmark, vertunum Sveis og Kroatia.

EM lutakast hósdagin

17. apríl 2024

Í morgin, hósdagin kl. 17.00, føroyska tíð, verður lutakastið til EM-endaspælið hjá kvinnum. Tá verður eisini greitt, hvørt Føroyar skulu spæla í Basel, Innsbruck ella Debrecen.