Tíðindi

Tað var greitt at okkara skuldu spæla upp til sítt besta fyri at hótta Kroatia í dag. Fyri góðum ári síðani taptu okkara við einum málið móti teimum í EM-endaspælinum, men tað hepnaðist minni væl í dag og Føroyar taptu 22-17.

Í dag, týsdagin 1. juli klokkan 17.00, skipa Tórshavnar kommuna og Løgmansskrivstovan fyri almennari móttøku á Vaglinum fyri U21-landsliðnum í hondbólti.

Føroysku U19-menninir spældu fult upp við svensku evropameistarunum, men mistu sigurin á gólvið í seinna hálvleiki. Okkara spældu framúr í fyrra hálvleiki og vóru frammanfyri 14-8, men taptu tó 22-21.

Føroysku U19-menninir løgdu fyri við sigri í fyrsta dystinum í European Open. Føroyar vunnu 22-20 á Niðurlondum, eftir hálvleiksstøðuna 14-10 til Føroyar.

Føroysku U19-menninir vunnu eisini seinna dystin í dag. Føroyar vunnu greitt 26-16 á Finnlandi, eftir at Føroyar vóru á odda 14-9 í hálvleikinum.

U19-landsliðið hjá monnum kom til Göteborg í gjár og byrjar European Open í dag. Kappingin er liður í fyrireikingunum til HM-endaspælið, sum verður í Kairo í Egyptalandi í august. Dystirnir í European Open kunnu stroymast á ehftv.com.

SO NÆR VIÐ! Tvær ferðir eykatíð skuldi til og 80 minuttir skuldu til áðrenn HM-hálvfinalan millum Føroyar og Portugal var avgjørd. Føroyar høvdu brotskast, men brendu, og Portugal vann harvið 38-37 og Føroyar skulu spæla um HM-bronsu móti Svøríki sunnudagin kl. 16.00.

U21-ævintýrið fekk ein eydnusaman enda. Eftir svára tapið í hálvfinaluni reistu okkara menn seg og vunnu bronsdystin 27-26 móti Svøríki. Ítróttarsøga er skrivað eftir eitt megnaravrik av okkara ungu monnum, og í kvøld fáa teir heiðursmerki um hálsin í Póllandi.

Ert tú staddur í Føroyum ella Danmark og ynskir tú at stroyma HM-hálvfinaluna millum Føroyar og Portugal, so kann tað gerðast ígjøgnum hetta leinki. Tað kostar 8 euro. Arbeitt verður við at fáa føroyskt frásøgufólk á dystin.

FANTASTISKT! Føroyar vunnu HM-fjórðingsfinaluna móti Slovenia, 35-33, har Føroyar vóru serstakliga vælleikandi í fyrra hálvleiki. Tað gjørdist spennandi seinastu løtuna, men megnaðu okkara at koyra tað heim. Føroyar møta Portugal í hálvfinaluni í morgin.