Tíðindi

Talan var ikki um besta avrikið hjá føroysku U17-kvinnunum fyrrapartin, tá tær leiktu javnleik, 24-24, móti Luksemborg. Hálvleiksstøðan var 14-12 til Luksemborg. Javnleikurin kann tó blíva týdningarmikil fyri Føroyar í dystinum um at koma víðari úr bólkinum.

Tað var eitt sera hugsavnað føroyskt U19-landslið, sum vant burturúr Saudi Arabia í dag. Føroyar vunnu heili 41-23, eftir hálvleiksstøðuna 22-11. Við hesum eru Føroyar í U19 HM-fjórðingsfinaluni, sum verður leikt hósdagin.

Við einum megnar liðavrikið, skakaðu føroysku U19-mennirnir hondbóltsrisan Týskland og vunnu 30-28, eftir hálvleiksstøðuna 12-10 til Føroyar. Føroyar eru sostatt enn við í dystinum um plássini í fjórðingsfinalunum.

Dysturin millum U17-kvinnurnar hjá Føroyum og Ísrael var ongantíð spennandi, til tess var munurin á liðunum alt ov stórur. Føroyar vunnu trygt, 38-22, eftir hálvleiksstøðuna 22-9.

Føroysku U19-mennirnir spældu ein rimmar dyst og bastu silvurvinnarunum frá EM fjør, Svøríki. Úrslitið gjørdist 34-31, eftir javnleik 14-14 í hálvleikinum. Føroyar eru harvið víðari til meginumfarið, har Týskland og Saudi Arabia bíða. Svøríki er úti av topp 16.

Føroysku U17-kvinnurnar sigraðu á Grikkalandi í fyrsta dystinum í EHF Championship kappingini í Baku í Aserbadjan. Føroyar vunnu 27-22, eftir hálvleiksstøðuna 16-8 til okkara. Føroyska liðið vísti góða breidd, har nógvar bjóðaðu inn bæði í verju og álopi.

Komandi 9 dagarnar skulu føroysku U17-kvinnurnar kappast í EHF Championship kapping í Baku í Aserbadjan. Fyrsti dystur hjá Føroyum er í morgin, leygardagin, móti Grikkalandi.

Hóast frammanfyri 17-11 tíðliga í seinna hálvleiki, máttu føroysku U19-mennirnir lúta fyri einum iranskum liðið, sum ongantíð gav upp. Dysturin endaði 29-27 til Iran, eftir hálvleiksstøðuna 13-9 til Føroyar.

Talan gjørdist um ein bleyta byrjan fyri føroysku U19-mennirnir í HM-endaspælinum í Kroatia í dag. Føroyar vunnu stórsigur, 53-21, á Burundi, eftir hálvleiksstøðuna 30-8.

Komandi 12 dagarnar fara 32 lond, harímillum Føroyar, at kappast um U19 heimsmeistaraskapið í hondbólti hjá monnum. Kappingin verður í leikt í Kroatia. Fyrsti dystur hjá Føroyum er í morgin móti Burundi.