Tíðindi

P/F Fønix hevur verið stuðul hjá HSF í 2022 og 2023, og verða teir nú stórstuðlar í 2024 og 2025. Jógvan Emil Nielsen, næstformaður í HSF, var herfyri og vitjaði hjá Fønix á Mykinesgøtu 8, har nýggi sáttmálin var undirskrivaður saman við Bárði Simonsen, stjóra í Fønix. Fønix er fyritøka, sum m.a. selur alskyns útgerð […]

HSF kallar inn til eykaaðalfund smb. § 4 stk. 7 í viðtøkunum hjá HSF.

Hondbóltssambandið og P/F Smyril Line hava gjørt nýggja sponsoravtalu og longt verandi samstarv fram til 2026. Tá hava partarnir fylgst og samstarvað í 10 ár.

U19 HM og U17 Championship kappingarnar eru av. Sum vanligt, so vóru All-Star lið kosin eftir kappingarnar og vóru tveir føroyingar heiðraðir.

Føroysku U17-kvinnurnar taptu 32-27 fyri Litava í dag og endaðu harvið nummar 4 í EHF Championship kappingini í Baku. Hálvleiksstøðan var 20-16 til Litava. Føroyar megnaðu harvið ikki at vinna sær pláss til U19 EM-endaspælið í 2025, tá bert trý tey ovastu liðini í hesari kappingini sleppa við.

Føroysku U19-mennirnir vóru ov stuttir móti Noreg í dystinum um 7. plássið í HM-endaspælinum. Noreg vann dystin við trimum málum 38-35, eftir hálvleiksstøðuna 22-19, til Noreg.

Føroysku U17-kvinnurnar taptu EHF Championship hálvfinaluna fyri Slovenia. Dysturin endaði 31-25, eftir hálvleiksstøðuna 15-11. Føroyar skulu nú spæla móti Litava um triðja pláss í kappingini.

Eydnan hevur ikki verið við føroysku U19-monnunum í gjár og í dag. Føroyska liðið tapti plaseringsdystin móti Portugal 41-40, eftir brotskastkapping. Vanligi dysturin endaði 35-35, eftir at hálvleiksstøðan var 19-17 til Føroyar. Føroyar skulu nú spæla um 7. pláss í HM-endaspælinum sunnudagin.

Dagsins tap í HM-fjórðingsfinaluni svíður. Føroyar taptu 38-34 fyri Egyptalandi, eftir at dysturin endaði 31-31 eftir vanliga leiktíð. Hálvleiksstøðan var 13-13. Tapið svíður, tí okkara vóru frammanfyri 31-28, tá bert ein minuttur og 15 sekund restaðu, men vóru tíverri óneyvir og óhepnir seinasta minuttin og Egyptaland javnaði í seinasta sekundi.

Føroysku U17-kvinnurnar megnaðu ikki at gera nógv við sponsku kappingarfavorittarnar. Føroyar taptu greitt 38-18, eftir hálvleiksstøðuna 20-10 til Spania. Okkara eru, hóast tapið, víðari til hálvfinalurnar, sum nummar 2 í bólkinum.