Fyri áhaldandi at menna venjingartilboð, ið feløgini kunna bjóða teirra íðkarum, er HSF farið undir tilgongd saman við evropeisku hondbóltssamgonguni, EHF, at skipa eina føroyska venjaraútbúgving samsvarandi altjóða krøvunum hjá EHF.
Venjaraútbúgvingin er skipað í fýra stigum: Stig 1, Stig 2, Stig 3 og EHF Mastercoach. Venjaraskeiðini á stigi 1 og stigi 2 eru skipaði við tveimum skeiðum. Nærri lýsing av hvørjum einstakum stigi kemur seinni.
Fyrsta stigi í venjaraútbúgvingini byrjar í heyst, stig 1.1., har endamálið er at geva luttakarum amboð til, hvussu man skipar eina góða barnavenjing, og hvussu man tryggjar eitt gott hondbóltsumhvørvi, har børnini trívast og mennast.
Skeiðið er skipað við online tilfari og trimum samlingum.
Tilmelding fer fram á: https://forms.office.com/e/eN5PVwsSSK.
Freistin at melda til er 2. oktober 2024.
Tíðarætlan
Online
Evni: Leikluturin hjá venjaranum og aldurstengd venjing
9. oktober 2024, kl. 17:00 – 21:00
Stað: Skúlin á Fløtum
Evni: Hvussu skapa vit eitt gott umhvørvi
11. november 2024, kl. 17:00 – 21:00
Stað: Høllin á Skála
Evni: Hvussu skipa vit eina góða barnavenjing
6. december 2024, kl. 17:00 – 21:00
Stað: Høllin við Streymin
Evni: Luttakarar hava ábyrgdina av venjing
Aldursmark: 16 ár
Kostnaður: 395,00 kr.
