VÍF ætlar at røkka hálvfinalunum

– Vit fara í øllum førum eftir fjórðaplássinum. Eg vænti eg at tey flestu liðini við nýggja kappingarleistinum ætla at røkka fjórðaplássinum og harvið hálvfinalunum, og tað ætla vit avgjørt eisini.

Tað sigur Andrias Eriksen, liðskipari hjá VÍF.

Í hondbóltsbygdini Vestmanna er spenningurin altíð stórur til eitt nýtt kappingarár. VÍF er vanliga við fyri at vinna, men liðskiparin torir ikki at seta so høg mál.

VÍF hevur nevnliga mist sín spæliskipara, Julian Olsen. Afturat honum er strikuleikarin, Miki Duko Sørensen farin aftur til Grønlands, meðan Hallur Arason stríðist við ein skaða. Einasta tilgongd er Magnus Múller, sum royndi seg í KÍF farna kappingarár.

– Hópurin er ikki eins breiður, sum hann hevur verið, so tað er týdningarmikið, at sleppa undan skaðum. At halda støðið verður væntandi okkara størsta avbjóðing í ár, sigur liðskiparin.

VÍF hevur framvegis mest skorandi leikara á liðnum, Filip Jojic, og føroya besta málverja, Mladen Mjerimacka. Vestmenningar eru eisini komnir væl frá byrjan. Eftir trý umfør hava teir vunnið tveir dystir og spælt ein javnleik, og fleiri ungir leikarar hava prógvað, at dugur er í teimum.

– Tað sær út til, at øll lið kunnu taka stig frá øllum, so tað er nakað, sum bendir á, at tað verður eitt spennandi kappingarár. Vit fara í øllum førum at gera okkara ítarsta at gera okkum galdandi um fremstu plássini, sigur Andrias Eriksen.

U17-manslandsliðið úttikið

16. mai 2025

Vikuskiftið 6. – 8. juni verður stórsligin ungdómskapping í hondbólti fyri U17-menn í Føroyum. Talan er um nýggja kapping, rópt Nordic Open, í ár fyri aldursbólk 2008 og 2009, sum Hondbóltssamband Føroya skipar fyri. Hesir eru úttiknir at umboða Føroyar.

6 endapøl í ár

16. mai 2025

Tað er ikki bert okkara A-landslið við monnum og kvinnum, ið hava tryggjað sær luttøku í HM og EM endaspølum. Komandi árið eru 6 endaspøl á skránni.

Slovenia, FØROYAR, Montenegro og Sveis

15. mai 2025

Tað var greitt undan lutakastinum, at Oslo verður heimstaðurin hjá føroyingum til innleiðandi bólkaspælið í EM-endaspælinum í januar. Vertirnir høvdu ynskt at staðseta Føroyar í bólk D, hetta við atgongumerkjasølu fyri eyga. Við lutakastinum í Herning í kvøld, gjørdist greitt, at mótstøðuliðini verða Slovenia, Montenegro og Sveis.

Ein loysn frá Sendistovuni