Vunnu hvør sín dyst

Um vikuskifti eru ungdómslandsdystir millum Føroyar og Ísland í Høllini á Hálsi. Talan er um U16- og U18-kvinnulandsliðini, sum spæla vinadystir.

Føroysku U16-kvinnurnar tyktist nervaðar í fyrra hálvleiki av dystinum móti Íslandi í dag. Álopsspælið var stirvið og ov nógvir málkjansir vóru brendir, bert Karin Egholm vísti gott spæl á høgra vongi og helt føroyska liðnum inni í dystinum við at skora 5 mál í fyrra hálvleiki uppá 6 royndir. Ísland vann seg beinan vegin fram um við fleiri málum og vóru á odda 14-9 í hálvleikinum.

Føroyska liðið var tó sum hamskift í seinna hálvleiki og byrjaði spakuliga at eta leiðsluna upp. Í álopsspælinum vóru Maria P. Nólsoy og Bjørk Joensen sera eyðsýndar og stóð nú verjan eisini betri. Fyrstu ferð Føroyar var á odda í dystinum var við 24-23 ein minutt fyri leiklok. Hetta gjørdist eisini endaliga støðan og stór frøði var á føroysku leikarunum.

Føroysku málini gjørdu:
Maria P. Nólsoy 7
Karin Egholm 6
Bjørk F. Joensen 4
Silja Heðinsdóttir 3
Anna Elisabeth H. Weyhe 1
Inga Maria Joensen 1
Barbara Hammer 1
Marita F. M. Thomsen 1

Liðini hittast aftur í morgin kl. 16.00 í Høllini á Hálsi. Tíverri frættist í kvøld, at toppskjúttin hjá Føroyum, Maria P. Nólsoy, hevur brotið hondina í dystinum og helst ikki spælir í morgin.


Føroysku U18-kvinnurnar taptu greitt 32-24 fyri Íslandi. Tað var serliga í fyrra hálvleiki at tað gekk strilti og vóru alt ov nógvar villur. Hálvleiksstøðan var 17-9.

Føroyska liðið spældi væl í seinna hálvleiki og uppá átta minuttir fóri dysturin frá 9-17 til 17-20. Dysturin livdi aftur, men tíverri gjørdu okkara aftur fleiri mistøk og Ísland vann seg fram um aftur og avgjørdu dystin.

Føroysku málini gjørdu:
Jana Mittún 6
Frida Holm Jacobsen 6
Elsa Egholm 4
Lea Lisberg 3
Lív Zachariasen 3
Vár Zachariasen 1
Brynhild Pálsdóttir 1

Liðini hittast aftur í morgin kl. 18.00 í Høllini á Hálsi.

European Cup hondbóltur í Vestmanna

29. november 2023

Komandi vikuskiftið verða tveir spennandi European Cup dystir í Vestmanna, tá mansliðið hjá VÍF fær vitjan av SSV Brixen úr Italia.

Byggja víðari saman við Búsetri

27. november 2023

Hondbóltssambandið og byggivirkið Búsetur hava longt sponsorsamstarvið, har fyritøkan verður verandi ein av sjónligu stuðlunum hjá HSF fram til 2026.

U20-kvinnur: Tepurt tap fyri vertunum

25. november 2023

Talan gjørdist eisini um tap í fjórða og seinasta HM-undankappingardystinum hjá føroysku U20-kvinnunum. Føroyar taptu 30-28 fyri vertunum úr Serbia, eftir at hálvleiksstøðan var 17-13 til Serbia.