Ísland vann báðar seinnu dystirnar

Ísland vann bæði U16- og U18-kvinnulandystin, sum vóru í Høllini á Hálsi í dag.


U16-dystin vann Ísland 23-21 eftir støðuna 10-9 í hálvleikinum. Talan var um ein tættan, spennandi og fyri tað mesta vælleiktan dyst. Hjá Føroyum var saknur í dugnaliga spælskiparan og toppskjúttanum frá í gjár, Maria Pálsdóttir Nólsoy, sum breyt hondina í dystinum, men liðið vísti góða breidd í dag og spældi fult upp við íslendska liðnum allan dystin.

Málskjúttar hjá Føroyum:
Anna Elisabeth Halsdóttir Weyhe 6
Bjørk Frankdóttir Joensen 4
Birna Eyðunsdóttir 3
Anna Sigrunardóttir 3
Inga Maria Joensen 2
Brá Reginsdóttir 1
Lea Mohr 1
Sára Sigrunardóttir 1

Ísland vann eisini seinna U18 dystin. Dysturin var tó nógv tættari enn tann í gjár og var spennandi til tað seinasta. Ísland vann dystin 21-19, eftir hálvleiksstøðuna 12-9. Dagsins leikari hjá Føroyum var ein sera væl uppløgd Rakul Wardum í málinum, sum leingi helt Føroyum inni í dystinum í seinna hálvleiki. Tað var tó íslendska liðið, sum helt høvdið meira kalt seinast 5 minuttirnar og rann avstað við sigrinum.

Málskjúttar hjá Føroyum:
Jan Mittún 4
Elsa Egholm 3
Lea Lisberg 3
Frida Holm Jacobsen 2
Vár B. Zachariasen 2
Lív B. Zachariasen 2
Natasja Hammer 1
Hervør Niclasen 1
Alda Gilladóttir 1

Lýsing eftir málverjamennara

24. apríl 2024

Føroyskur hondbóltur hevur verið í støðugari menning seinastu árini. Stóra menningin í spælinum setur alsamt størri krøv til eitt nú verjupartin í spælinum. Ásannandi tørvin at stimbra og menna málverjaumhvørvið í føroyskum hondbólti, søkir HSF eftir einum málverjamennara.

A-landsliðið hjá monnum úttikið

19. apríl 2024

Hesir 16 skulu møta Norðurmakedonia og spæla um eitt pláss í HM-endaspælinum.

Danmark, Sveis, Kroatia og FØROYAR

18. apríl 2024

Basel í Sveis verður heimstaðurin hjá føroyingum til EM-endaspælið hjá kvinnum í november/desember. Føroyar komu í bólk D saman við grannum okkara úr Danmark, vertunum Sveis og Kroatia.