A-landsliðið hjá monnum úttikið

Landsliðsvenjararnir, Peter Bredsdorff-Larsen og Lars Porskær Møller, hava úttikið hesar 16 leikarar til EM-undandystirnar móti Ukraina og Eysturríki, sum verða ávikavist 12. og 16. oktober.

Málverjar:
Nicholas Satchwell, KA Akureyri (ISL)
Pauli Jacobsen, JS Cherbourg (FRA)

Útileikarar
Leivur Mortensen, Ajax København (DEN)
Rói Berg Hansen, HØJ (DEN)
Peter Krogh, H71 (FAR)
Tróndur Mikkelsen, Ryger Stavanger (NOR)
Jónas Gunnarson Djurhuus, Frederiksberg IF (DEN)
Pauli Mittún, Kristiansand (NOR)
Óli Mittún, IK Sävehof (SWE)
Kjartan Johansen, Bækkelaget (NOR)
Vilhelm Poulsen, Lemvig-Thyborøn (DEN)
Hákun West av Teigum, Skanderborg-Århus Håndbolt (DEN)
Allan Norðberg, KA Akureyri, (ISL)
Rókur Akralíð, Århus HC (DEN)
Teis Horn Rasmussen, Follo HK, (NOR)
Helgi Hildarson Hoydal, Kristiansand (NOR)

Føroyska liðið savnast í Aschaffenburg í Týsklandi mánadagin 10. oktober, har liðið fer at venja saman í tveir dagar áðrenn dystin móti Ukraina mikudagin 12. oktober kl. 19.00, føroyska tíð. Dysturin verður á heimavøllinum hjá týska liðnum TV Grosswallstadt, sum spælir í 2. bundesliga. Ukrainska stórliðið HC Motor Zaporizhzhia, sum telur fleiri av ukrainsku landsliðsleikarunum, spælir í løtuni í 2. bundesliguni í Týsklandi. Ukrainska liðið er ikki fremmant. Hetta er triðja EM-undankappingin á rað, har Føroyar eru í bólki saman við Ukraina. Føroyar hava møtt Ukraina 5 ferðir og hava úrslitini verið hesi:

11.01.18 Ukraina – Føroyar 30-22, HM-undankapping
10.04.19 Ukraina – Føroyar 31-19, EM-undankapping
13.04.19 Føroyar – Ukraina 26-27, EM-undankapping
10.03.21 Ukraina – Føroyar 25-21, EM-undankapping
14.03.21 Føroyar – Ukraina 25-25, EM-undankapping

Hósdagin 13. oktober ferðast føroyska liðið til Føroyar, har liðið skal møta Eysturríki sunnudagin 16. oktober kl. 18.00 í Høllini á Hálsi. Atgongumerki til hendan dystin fáast á atgongumerki.fo. Tað er langt síðani at Eysturríki hava møtst. Seinast var í CHM-kappingunum í 1980 og 1984.

03.02.80 Føroyar – Eysturríki 18-27, C-HM
08.02.84 Eysturríki – Føroyar 26-19, C-HM

Les meira um EM-undankappingina hjá monnum her:
Men’s EHF EURO 2024 – Latest News and Results | EHF (eurohandball.com)

Intersport Night Cup 2023

26. september 2023

Nýtið heystfrítíðina aktivt! VÍF bjóðar aftur í ár øllum hondbóltstáhugaðum at luttaka í  ársins Intersport Night Cup. Kappingin verður fyri U10, U12 og U14 gentur og dreingir. 

Neistin víðari og H71 úti

26. september 2023

Bæði H71-kvinnur og Neistakvinnur vunnu annan European Cup dyst í vikuskiftinum. Hjá H71 var hetta tó ikki nokk, tá tær taptu stórt í fyrra dystinum, meðan Neistin vann eftir brotskast kapping.

Hesar 16 møta Svøríki og Íslandi

21. september 2023

Landsliðsvenjararnir, Claus Mogensen og Simon Olsen, hava úttikið hesar 16 leikarar til EM-undandystirnar móti Svøríki og Íslandi, ávikavist tann 12. og 15. oktober.