HSF hevur tikið í brúk nýggja heildarskipan og merkir hetta, at dómaraseðlar nú verða talgildir og sjónligir á heimasíðuni eftir dyst.
Á heimasíðuni undir “kappingar” ber til at klikkja á ymsu deildirnar og síðani á eintøku leiktu dystirnar, hareftir dómaraseðilin kemur fram. Har ber til at síggja dystargongdina og hagtølini frá dystinum.
Undan dysti kunnu venjarar ella annað umboðsfólk nú skráseta sínar leikarar í talgildari skipan til einstøku dystirnar. Hareftir verður dysturin avgreiddur við iPaddi í høllini og koma úrslitini nú beinleiðis á heimasíðuna.
