Tíðindi

Árligu stórsteypadystirnir í hondbólti, har tey bestu farna kappingarár kappast um Lionsbikarið, vórðu spældir í Hoyvíkshøllini í gjár.

Hondbóltssambandið hevur sett Mladen Mjerimacka í parttíðarstarv sum málverjamennari. Nýggja starvið er liður í at lyfta týdningarmikla leiklutin hjá føroysku málverjunum.

Sunnudagin verða dystirnir um Lionsbikarið í hondbólti hjá kvinnum og monnum, ið saman við stórsteypadystunum í fótbólti útvega eina fitta upphædd til gott endamál, sum hesaferð verður Alzheimerfelagið.

Týsdagin 27. august verður íblástrarskeið við A-landsliðsvenjaranum Peter Bredsdorff-Larsen. Skeiðið verður í Høllini við Streymin.

Hjalti Mohr Jacobsen er settur sum nýggjur hjálparvenjari hjá A-landsliðnum hjá monnum. Hann tekur við eftir Julian Johansen, sum steðgaði eftir HM-undankappingardystirnar móti Norðurmakedonia, tá tíðin ikki rakk til starvið.

Føroyar stríddu seg til eitt 15. pláss av 24 í EM-endaspælinum og vunnu samstundis seinasta HM-atgongumerkið til HM2025 í Slovenia. Eitt heilt fantastiskt avrik, har Føroyar vunnu 26-24 á Eysturríki, eftir at okkara vóru aftanfyri 11-13 í hálvleikinum.

Seinnapartin gjørdist tað greitt, at mótstøðuliðið hjá U18-monnunum í dystinum um 15. pláss í EM-endaspælinum og HM25-atgongumerkið verður Eysturríki.

Hóast ein góðan dyst móti einum sterkum kroatiskum liðið, so høvdu okkara ikki hepni við sær seinastu løtuna, tá dysturin skuldi avgerðast. Føroyar taptu 28-27, eftir at Føroyar vóru frammanfyri 15-14 í hálvleikinum.

Hóast portugisar ikki vóru ræðandi, so sýntist tankarnir longu vera við avgerandi dystirnar í morgin og leygardagin, tá HM-plássini verða avgjørd. Ávísir leikarar, sum hava spælt nógv í kappingni vóru partvís hvíldir og høvdu okkara ilt við at finna rútmuna í dag. Føroyar taptu greitt, 36-27, fyri Portugal. Hálvleikstøðan var 22-13.

Hóast slovenar vóru til at tosa við, so spældi føroyska U18-landsliðið undir støði, tá teir í dag taptu 35-25 móti Slovenia, eftir 17-13 í hálvleikinum. Teknisku villurnar vóru alt ov nógvar til at dysturin kundi blíva spennandi.