Tíðindi

Hóast aftanfyri so at siga allan dystin, so vístu okkara rygg og stjólu sigurin í seinasta sekundinum. Føroysku U16-kvinnurnar vunnu ein fínan 17-16 sigur á Kekkia, eftir at Føroyar vóru aftanfyri 10-7 í hálvleikinum.

Spania hevði ikki tapt ein dyst enn í European Open, og var tað tískil ikki óvæntað, at tær eisini vunnu trygt, 16-10, móti Føroyum í kvøld. Tað var tó ikki uttan fight, har okkara kempaðu væl í fyrra hálvleiki, og var støðan bert 7-6 við steðgin.

U16-kvinnurnar spældu sín besta dyst higartil í European Open og vunnu í sonnum gysara, har Føroyar vóru aftanfyri so at siga allan dystin. Sigrið Hansdóttir skoraðu tó seinasta málið uppá brotskast til 21-20 beint fyri leiklok, eftir at Georgia var á odda 10-8 í hálvleikinum.

Hóast Føroyar vunnu seinna hálvleik, so var avrikið í fyrra hálvleiki misjavnt, og taptu okkara 29-25 fyri Tunesia, eftir at Tunesia var frammanfyri 15-10 í hálvleikinum. Føroyar enda sannlíkt frammanfyri Tunesia allíkavæl og koma at spæla um hægri plasering.

Hóast føroysku U16-kvinnurnar sýndu betri spæl í fyrra hálvleiki í mun til dystin í morgun móti Niðurlendingum, so var tað skjótt greitt, at Serbia hevði fleiri streingir at spæla uppá og vunnu tær greitt 21-12, eftir 11-8 í hálvleikinum.

Føroysku U16-kvinnurnar fingu seg royndar móti einum sterkum niðurlendskum liðið í fyrsta dystinum í European Open. Niðurlendingar vunnu 17-14, eftir at tær vóru á odda 8-5 í hálvlekinum.

Komandi vikuna skulu føroysku U16-kvinnurnar kappast í European Open, sum verður leikt í Gøteborg.

Føroyar tryggjaðu sigurin í fyrra hálvleiki móti Taiwan í dag, tá støðan var 17-10 við steðgin. Seinni hálvleiki gjørdist nakað misjavnur, men var sigurin ongantíð í vanda. Føroyar vunnu trygt 30-23.

Hóast Føroyar leingi vóru frammanfyri, so vann Ísland aftur í dag við fimm málum í dag, 30-25. Hálvleiksstøðan var 15-13 til Føroyar. Føroyar vóru frammanfyri 20-17 tá 20 minuttir restaðu, men gekk tað av skriðuni eina góða løtu og íslendingar struku avstað.

Liðini áttu hvør sín hálvleik, tá U20-landsliðini hjá Føroyum og Íslandi møttust á Hálsi í dag. Ísland var tó stinnari yvir 60 minuttir og vunnu teir 29-24, eftir at teir vóru á odda 17-11 í hálvleikinum.