U19-kvinnur: Eru í hálvfinalunum

Føroysku U19-kvinnurnar vunnu aftur stórsigur í dag, tá okkara vunnu 40-22 á Turkalandi, eftir hálvleiksstøðuna 21-11. Við hesum eru Føroyar tryggjaðar pláss í hálvfinaluni og verður dysturin hósdagin móti Spania avgerandi fyri, hvør verður nr. 1 og 2 í bólkinum.

Føroyska liðið setti seg á dystin frá byrjan og kláraðu okkara at pressa turkisku kvinnurnar til at gera nógvar villur. Hetta skapti nógv skjótálop til Føroyar og skoraðu okkara vengur væl í dag. Í málinum stóð Silja Müller aftur væl í dag og tók hon pippið frá turkisku skjúttunum. 16-ára gamla Gylta á Neystabø kom inn í føroyska málið í seinna hálvleiki og hevði hon eisini fleiri góðar bjargingar. Dystargongdin í seinna hálvleiki minti um hana í fyrra, og vóru tað serliga føroysku vengurnir, sum stóðu fyri málskjótingini. Føroysku vengurnir, Karin, Lea, Silja og Inga Maria gjørdu tilsamans 21 av føroysku 40 málunum.

Eftir dystin var føroyski høgri bakkurin, Bjørk Franksdóttir Joensen, kosin besti føroyski leikarin í dystinum.

Føroyar skulu nú spæla móti Spania hósdagin kl. 13.15 og kemur hesin dysturin at avgera, hvør verður nr. 1 og 2 í bólkinum og hvør skal møta hvørjum í hálvfinalunum.

Lesið alt um kappingina, úrslit, støður o.a. her:
W19 EHF Championships 2023 (eurohandball.com)

Dystargongdin:
5 min. 2-3
10 min. 4-9
15 min. 5-12
20 min. 7-16
25 min. 9-18
30 min. 11-21
35 min. 11-23
40 min. 12-25
45 min. 14-30
50 min. 16-32
55 min. 16-39
60 min. 22-40

Málskjúttar hjá Føroyum:
Karin Egholm 7
Silja Heðinsdóttir 6
Maria Pálsdóttir Nólsoy 6
Lea Mohr 5
Inga Maria Roysdóttir 3
Lukka Arge 3 (2)
Barbara Hammer 3
Anna Elisabeth Halsdóttir Weyhe 2
Bjørk Franksdóttir Joensen 2
Sára Lagos 2
Hanna Jakobsdóttir Dalsgarð 1


Málverjar:
Silja Arngrímsdóttir Müller 37%

Kemilux nýggjur stórstuðul hjá HSF

28. september 2023

Hondbóltssambandið og Kemilux hava í dag skrivað undir samstarvsavtalu, har Kemilux verður ein av stórstuðlunum hjá HSF í 2024 og 2025.

Intersport Night Cup 2023

26. september 2023

Nýtið heystfrítíðina aktivt! VÍF bjóðar aftur í ár øllum hondbóltstáhugaðum at luttaka í  ársins Intersport Night Cup. Kappingin verður fyri U10, U12 og U14 gentur og dreingir. 

Neistin víðari og H71 úti

26. september 2023

Bæði H71-kvinnur og Neistakvinnur vunnu annan European Cup dyst í vikuskiftinum. Hjá H71 var hetta tó ikki nokk, tá tær taptu stórt í fyrra dystinum, meðan Neistin vann eftir brotskast kapping.